Cael Cefnogaeth
Mae sgyrsiau agored, codi ymwybyddiaeth, a darparu cymorth yn hanfodol i amddiffyn pobl ifanc rhag niwed sy’n gysylltiedig â gamblo. Isod, fe welwch wybodaeth ddefnyddiol i’ch helpu i gefnogi unigolion a allai fod mewn perygl. Os ydych chi angen arweiniad neu gymorth pellach, peidiwch ag oedi cyn cysylltu â ni.
Cefnogi Person Ifanc A Allai Fod Yn Gamblo
Gyda 96% o bobl ifanc 11-24 mlwydd oed yn gweld hysbysebion gamblo, mae’n hanfodol ein bod ni’n grymuso pobl ifanc gyda’r wybodaeth a’r gefnogaeth gywir.
Gall fod yn heriol gwybod sut i siarad â phlentyn neu berson ifanc sy’n gamblo neu sy’n cael ei effeithio gan gamblo rhywun arall.
Gall ein canllawiau eich helpu i gael sgyrsiau agored a chefnogol am gamblo. Gallwn hefyd eich rhoi mewn cysylltiad â’r opsiynau cymorth gorau sydd ar gael. Ewch i’n porth dysgu ar-lein i weld ein hadnoddau.
Young People Teclyn Sgrinio Gamblo
Gall ateb y cwestiynau hyn helpu i asesu p’un a ydych chi mewn perygl o brofi gamblo niweidiol. Mae’r holiadur hwn yn ddi-enw, chi sy’n dewis beth sy’n digwydd nesaf. Mae’r holl wybodaeth wedi cael ei chymryd o adroddiad 2024 y Comisiwn Gamblo.
Risg Isel
Rydych chi wedi sgorio 0-1 – mae hyn yn dangos nad ydych chi'n profi niwed o'ch gamblo chi eich hun.
Mewn Perygl
Rydych chi wedi sgorio 2-3 - mae hyn yn dangos eich bod 'mewn perygl' o brofi niwed o'ch gamblo. Rydym ni’n argymell eich bod chi’n edrych ar yr adran “Ble i gael cymorth” ac yn ystyried gwneud newidiadau i sut rydych chi'n gamblo.
Risg Uchel
Rydych chi chi wedi sgorio 4+ - mae hyn yn dangos eich bod chi’n debygol o fod yn profi niwed o'ch gamblo. Rydym ni’n argymell eich bod chi’n edrych ar yr adran "Ble i gael cymorth" a chysylltu ag un o'r asiantaethau cymorth yno. Byddai hefyd yn syniad da siarad am eich gamblo gyda rhywun rydych chi'n ymddiried ynddo.
Cofiwch, dydych chi ddim ar eich pen eich hun - mae yna bobl sy'n barod i'ch helpu chi i ddod o hyd i ffordd ymlaen.
Sut Ydw I’n Dechrau Sgwrs gyda Phlentyn Am Gamblo?
Creu Gofod Diogel
Ewch ati i annog trafodaethau agored lle gallant ofyn cwestiynau heb ofni cael eu barnu. Mae amgylchedd cefnogol yn adeiladu ymddiriedaeth.
Bod Yn Onest ac yn Agored
Esboniwch risgiau gamblo a sut y gall arwain at ymddygiadau niweidiol. Mae codi ymwybyddiaeth yn allweddol.
Arwain Drwy Esiampl
Mae'r ffordd mae oedolion yn ymdrin â gamblo yn dylanwadu ar bobl ifanc. Myfyriwch ar eich arferion eich hun a'r negeseuon y gallant fod yn eu derbyn.
Cynnig Cymorth
Os ydyn nhw'n cael trafferth ymdopi, sicrhewch nhw nad ydyn nhw ar eu pennau eu hunain. Rhowch wybod iddyn nhw fod help ar gael.
Gwrando’n Rhagweithiol
Po fwyaf maen nhw'n teimlo eu bod nhw’n cael eu clywed, y mwyaf tebygol y byddant yn bod yn agored am eu meddyliau a'u profiadau.
Enghreifftiau o Sut y Gallech Chi Godi Gamblo Mewn Sgwrs Bob Dydd
Wrth Wylio'r Teledu neu Chwaraeon
Pan Maen Nhw’n Chwarae Gemau Fideo
Os yw Person Enwog neu Ddylanwadwr yn Sôn am Gamblo
Wrth Siarad am Bwysau Gan Gyfoedion
Os Ydyn Nhw'n Gofyn am Arian ar gyfer Gemau Ar-lein
Yn Ystod Digwyddiadau Chwaraeon Mawr
Pan Fyddant yn Treulio Amser Ar-lein
Os Ydyn Nhw'n Sôn am Ennill Arian neu Wobrau Ar-lein
Gemau Ar-lein a Chysylltiad â Niweidiau Gamblo
Oeddech chi’n gwybod bod 91% o blant 3-15 mlwydd oed yn hapchwarae? Gyda’r cyswllt cynyddol rhwng hapchwarae a gamblo, mae’n bwysicach nag erioed i rieni a gwarcheidwaid fod yn wybodus a chadw eu hapchwaraewyr ifanc yn ddiogel ar-lein.
Awgrymiadau i Rieni a Gwarcheidwaid
Adnabod Eu Ffrindiau
Gofynnwch pwy maen nhw'n chwarae gyda nhw a beth maen nhw'n siarad amdano yn ystod y gêm. Mae hyn yn eich helpu chi i ddeall y bobl maen nhw'n rhyngweithio â nhw ar-lein.
Deall y Gêm
Ymgyfarwyddwch â'r gemau maen nhw'n eu mwynhau a deall sut maen nhw'n gweithio, gan gynnwys unrhyw bryniannau neu nodweddion yn y gêm fel cistiau trysor.
Gwirio Graddfeydd Oedran
Defnyddiwch raddfeydd PEGI a graddfeydd yr App Store wrth ddewis gemau i sicrhau eu bod nhw’n addas i oedran.
Defnyddio Modd Awyren
Gosodwch y "modd awyren" ar gyfer chwaraewyr iau i atal pryniannau damweiniol ar-lein.
Annog Seibiannau
Anogwch seibiannau rheolaidd – peidiwch â gadael iddynt chwarae am gyfnodau hir heb orffwys.
Analluogi Gwybodaeth Talu
Dylech osgoi cadw manylion talu ar eu dyfeisiau gemau i atal gwario damweiniol.
Cadw Llygad am Newidiadau
Sylwch ar unrhyw newidiadau yn eu hymddygiad, fel cynnydd mewn rhwystredigaeth neu ddicter, sydd yn gallu bod yn arwyddion eu bod nhw’n treulio gormod o amser yn hapchwarae.
Ble i gael cymorth?
Dydych chi byth ar eich pen eich hun. Dydi hi byth yn rhy hwyr. Gellir rheoli niwed sy’n gysylltiedig â gamblo gyda chefnogaeth.
Os ydych chi’n poeni sut mae niwed gamblo yn effeithio arnoch chi neu rywun rydych chi’n ei adnabod, mae rhywbeth bob amser y gellir ei wneud.
O dan 18?
Dros 18?
Ydych chi Dros 18 ac angen cymorth gyda Niweidiau Gamblo
Mae Ara yn cynnig cymorth cyfrinachol rhad ac am ddim i unrhyw un sydd wedi’i effeithio gan eu niwed gamblo eu hunain neu niwed gamblo rhywun arall. Mae ein tîm profiadol yma i’ch helpu i gymryd y cam cyntaf tuag at adferiad.